Paula Teixeira, doutora en Lingüística (2024) pola universidade de Glasgow en Escocia. Foi lectora de galego na Universidade de Cork (Irlanda) e agora mesmo está levando adiante unha investigación posdoutoral con especial interese na regueifa. Este traballo enmárcase dentro dun proxecto moito máis amplo levado adiante desde a Universidade de Glasgow sobre linguas minorizadas e neofalantes grazas ao apoio dos fondos Horizon Europe. O traballo concreto de Paula Teixeira é o uso da regueifa tanto en neofalantes como falantes nativos.
Ensina galego a través dunha plataforma web. Ata agora xa pasaron por ela 50 persoas. “Observei tres grupos. O primeiro son curiosos ou fans da cultura galega, persoas que lles interesa o país, que buscan mercar unha casa para mudarse e veñen ás miñas aulas para prepararse. Outro tipo son persoas que estudan todas as linguas posibles para eles, como facer unha estrela máis entre todas as linguas que estudan. Buscan as cousas máis exóticas e máis complicadas. Logo están os descendentes da emigración galega, a maioría veñen de países anglófonos: EEUU, Canadá ou Reino Unido. Tamén hai latinoamericanos mais estes viven case todos en EEUU e están tan asentados no inglés que é a súa lingua vehícular”, asegura. Toda a entrevista en Galicia Confidencial.