O xurado do certame aRi[t]mar da música e a poesía galego-portuguesa vén de preseleccionar as poesías que loitarán por ser recoñecidas como as mellores do pasado ano 2024. Son 10 poesías galegas e 10 poesías portuguesas, que optan a ser elixidas polo público como Mellor Poesía do Ano na Galiza e Mellor Poesía do Ano en Portugal. As votacións comezarán este luns, 28 de abril, ás 10.00 horas segundo o fuso horario galego, e permanecerán accesibles na páxina web aritmar.gal ata o vindeiro 20 de maio, onde tamén se poderán ler as pezas finalistas.
Os poemas que optan ó Premio á Mellor Poesía do 2024 na Galiza, son:
XIV Os ollos da nena miran con ansia, de Charo Valcárcel; un algo de medo, de Dores Tembrás; Onde imos agora, de Elba Pedrosa; Cantarlles ás abellas, de Estíbaliz Espinosa; Taxon, de Lorena Conde; Cando van caendo os rostros, de Lucía Durán; Con mans sinxelas, de Lupe Gómez; Facer o mel, de María Lado; Onte comezaches a falar de min, de Marta Dacosta; Descendo a rolos, de Neves Rodríguez.
Os poemas que optan ó Prémio à Melhor Poesia de 2024 em Portugal, son:
não sei voar mas tenho, de Cátia Cardoso; UM QUADRO, de Maria Andresen; Lição de eudemonia, de Ricardo Gil Soeiro; Catedrais digitais, de Maria Clara; o ar que se deslocava, de Inês Morão Dias; O que se repete, de João Luís Barreto Guimarães; MÃE, de Isabel Pereira Rosa; DOIS PARA A FRENTE, UM PARA TRÁS, de Ana Zanatti; ARREIGADA, de Filipa Leal; COMO ERATO TEM PROBLEMAS COM AS PALAVRAS, de A.M.Pires Cabral.
aRi[t]mar: Un proxecto que divulga a música e poesía galega e portuguesa
aRi[t]mar é un proxecto didáctico cultural desenvolvido inicialmente pola Escola Oficial de Idiomas de Santiago de Compostela pertencente á Xunta de Galicia, que ten por obxectivo divulgar a música e a poesía galego-portuguesas actuais, e achegar a cultura e a lingua dos dous países no marco do desenvolvemento da Lei Valentín Paz-Andrade para o aproveitamento do ensino do portugués e vínculos coa lusofonía.
