Este luns, 15 de decembro, a Consellería de Cultura, Lingua e Xuventude fixo públicas no Diario Oficial de Galicia as bases para as subvencións programadas para o 2025, e dotadas de 300.000 euros, dirixidas a empresas adicadas á organización de festiviais audiovisuais. O total do orzamento, en comparación á anualidade previa, reflexa un aumento do 33%.
Prazos e requirimentos
As solicitudes serán recibidas ata o vindeiro 16 de xaneiro de 2025, comezando a ser recibidas e tramitadas dende este martes. Cada proxecto presentado pode optar a ser perceptor dunha cuantía de ata 50.000 euros, cun límite do 30% do orzamento subvencionable cando a solicitante sexa unha entidade local, do 50% se é privada e do 75% no caso das entidades locais conxuntas ou resultantes de fusión.
Á liña de axudas, impulsada dende o 2014, poden optar tanto persoas físicas e xurídicas privadas como entidades locais para a organización de festivais que se celebren entre o 1 de novembro de 2024 e o 31 de outubro de 2025. Como requirimentos, os festivais deben contar con canto menos catro xornadas e vinte proxeccións, ademais de ter realizado un mínimo de tres edicións consecutivas de xeito previo.