Este martes, na sede da Fundación Paideia Galiza en A Coruña, a obra Pirotecnia do escritor compostelano Alberto Ramos foi a galardoada co Premio Narrativa Breve Repsol en Lingua Galega, dotado de 12.000 euros e coa súa publicación por parte da Editorial Galaxia. A obra pódese atopar xa nos estantes das librerías.
A traxectoria de Ramos como escritor, logo de se graduar en Xornalismo pola Universidade de Santiago de Compostela, foi iniciada na sección cultural do diario Xornal de Galicia. Tras o seu peche, continuou a colborar en medios como Praza, Nós Diario ou Luzes, especializándose na comunicación cultural. Actualmente, traballa na Asociación de Actores e Actrices de Galicia (AAAG).
No ámbito literario, a súa andadura parte coa publicación de Dor pantasma no 2006, co que se fixo receptor do premio Biblos-Pazos de Galicia de novela. No 2009 volve ser receptor dun galardón, do Premio de novela por entregas de La Voz de Galicia, coa obra Con acuse de recibo.
