Carolina Cotón, pertencente á costa galega mais asentada en Monforte de Lemos, comezou a falar galego a comezos do 2023. Durante a súa infancia, e adolescencia, foi educada en castelán xa que a súa contorna próxima o considerou o idioma máis doado para ela desenvolver a súa vida. Amante da produción literaria en galego dende nena, a muda á lingua galega era para Carolina unha “espiña cravada”, que foi arrinacada por Xabier Quiroga cunha frase articulada nunha presentación nun clube de lectura local.
“Para manter o galego, hai que falar e escribir en galego” foi a chave deste “cambio de chip”, facilitado polos colegas laborais de Carolina, que non deixaron que o “reparo” a limitase e a motivaron durante todo o proceso de cambio idiomático.
