Como cada primeiro martes de mes, este 3 de novembro a iniciativa “Proxector” do Consello da Cultura Galega estrea nova escolma audiovisual ao respecto dunha temática de actualidade e relevancia. Co título “A adversidade nos mapas do tempo”, o compendio de vídeos en lingua galega con obxectivo pedagóxico aborda as consecuencias do cambio climático e a súa influencia nos fenómenos meteorolóxicos adversos.
▶️No primeiro martes de mes temos nova entrega de #Proxector, iniciativa que escolma vídeos didácticos en lingua galega sobre un tema. Este mes fala dun asunto de plena actualidade: os fenómenos meteorolóxicos adversos e as consecuencias do cambio climático. Coa @UniversidadeUSC pic.twitter.com/NUYXgvDv4n
— Consello da Cultura Galega (@consellocultura) December 2, 2024
A iniciativa, promovida dende o Centro de Documentación Sociolingüística de Galicia (CDSG) do Consello da Cultura Galega (CCG) contando co apoio da Universidade de Santiago (USC), busca divulgar en diferentes eidos científicos e culturais a través da lingua galega. No mes de novembro, con “Unha ollada ao Universo no Día da Ciencia en Galego”, os organizadores buscaron divulgar o campo de estudo astronómico dende a ollada galega, facendo fincapé tamén no contexto da “crecente demanda dos ‘destinos turísticos Starlight‘”.
