A editora Demo Editorial tirou do prelo este mes de decembro Destino Santiago, unha obra de carácter humorístico que achega á novena arte a experiencia persoal de Helder Rodrígues Parrinha na súa peregrinación á capital galega.
Nun momento de crise persoal e laboral, Helder decide facer o Camiño de Santiago. A súa ruta xacobea polo Camiño do norte está contada con humor e dinamismo, e co pouso de verdade da experiencia vivida. Destino Santiago é unha ollada diferente e fresca sobre a peregrinaxe a Compostela.