Nada na India, pasou a súa mocidade en Valencia e converteuse en nómada ao asentarse en diferentes lugares do mundo por perseguir o seu soño: a música.
Yamini Prabhu, pianista e cofundadora do grupo de música Samudra Trío, chegou a Galicia hai sete anos e sempre tivo claro que aquí tiña que falar a lingua do país, da que se sente orgullosa e que lle fai parte deste lugar do mundo, que agora chama fogar.
