“Francos”… buscando a toponimia que trouxeron as rutas xacobeas

Un congreso internacional impulsado pola Real Academia Galega (RAG) abordará a toponimia no Camiño de Santiago, con participación de investigadores de distintos países. O encontro terá lugar do 21 ao 23 de setembro, na Facultade de Filoloxía da Universidade de Santiago de Compostela (USC).

Con participación de especialistas tanto galegos como do resto de España e outros países europeos, promoverá, ademais, novas investigacións sobre os nomes a través dunha chamada á sistematización dos estudos científicos sobre a toponimia nas rutas xacobeas. A aplicación das novas tecnoloxías, o turismo, a rehabilitación do patrimonio, a cartografía ou a historia serán outros dos eixos dunhas xornadas marcadas, segundo os seus organizadores, polo “europeísmo e a multidisciplinariedad”.

A presentación deste encontro tivo lugar na sede da RAG coa presenza do presidente da institución, Víctor F. Freixanes; a académica de número e coordinadora do encontro, Ana Boullón; o reitor da USC, Antonio López; e o secretario xeral de Política Lingüística, Valentín García.

Con inscrición, gratuíta, ata o 12 de setembro, o congreso profunda na liña iniciada no V Xornada de Onomástica Galega, que a RAG dedicou o pasado mes de outubro á onomástica no Camiño. Así o explicou Ana Boullón, que remarcou buscarase no encontro ter “unha visión máis ampla sobre o valor e significado da toponimia no Camiño de Santiago”. “Como ‘os francos’ que viñan máis aló dos Pireneos”, citou sobre nomes que pertencen á toponimia do mesmo.

Tanto o reitor da USC como o presidente da RAG reivindicaron, á súa vez, a necesidade de “coñecer e conservar” estes nomes. Pola súa banda, Valentín García remarcou a información que achegan sobre a cultura e as historias do Camiño de Santiago. “Como patrimonio inmaterial”, apostilou.

Deixa unha resposta

O teu enderezo electrónico non se publicará