A xornalista Esther Estévez, presentadora do espazo da TVG ‘Dígocho eu’, é unha das sete protagonistas da serie ‘Superheroínas’, producida pola Real Academia Galega e a Universidade de Santiago de Compostela no marco da segunda edición do proxecto ‘Novas voces para a lingua’. A serie foi dirixida por José Manuel Diego Ferreira, alumno de Xornalismo, e protagonizada pola cociñeira Lucía Freitas, a poeta Alba Cid, a creadora de videoxogos Laksmy Irigoyen, a ‘instagramer’ Paula Jorge, a fotógrafa Antía Castro, a cantante e actriz Andrea Pousa e a propia Esther Estévez.